البارحة جاني مـن الحـب مرسـال
من عقب ما بينـي وبينـه خصيمه
وانا ترى في الحـب مانيـب فعال
ولا بعـد ولّـع بقلبـي هشيـمـه
ولا بعد غنّيت فـي ساعـة وصـال
ولا بعد ذقـت الفـراق وجحيمـه
ولا جرى دمعي على الخـد همال
ولابعـد جربـت مــرّ الهزيـمـة
حتى وردنـي تالـي الليـل جـوال
وانا على شاهي وبسكـوت ديمـه
الرقم بايخ لكـن الصـوت قتـال
كنه مثل صـوت المذيعـة حليمه
قالت مساء الخير يـا طيّـب الفـال
قلـت ارحبـي ترحيبـةٍ مستديمه
بالعود والصفـري ودلـة وفنجـال
واجبك يا بنت الأصـول الكريمـة
ردت بضحكة ثم قالت وش الحـال؟
قلت اشهد إن الحال عقبك سقيمـه
قالت وهي تضحك بعد مثل الأطفال
وانـا بعـد كنـي بدونـك يتيمـة
من يـوم قالتهـا تزلزلـت زلـزال
من فجعتي كنـي مسـوي جريمه
قلت ارفعي صوتك ترى مابه ارسال
كـذاب لكـنّ المصيبـة عظيمـة
قالت أقول اسمع ترى هرجنـا طـال
ممكـن تصاحبنـي ترانـي وسيمـة
واسمي الحقيقي أول حروفـه الـدال
لكـن يسمّونـي البنـات الزعيمـة
صحيح أحب الفخفخة واعشق المال
لكـن ترانـي طاهـرة مستقيـمـة
ما عندي امغازل ولا (لعب يهّـال)
ما عندي إلا في الشرف والحشيمـة
بس الصراحة قلبي لشوفتـك مال
واصبحت وحدك جالسٍ في صميمه
فكّر بعقلك واترك القيـل والقـال
واحذر تطيع اهل العقـول العقيمـة
وارسل علي الحين خمسميـة ريـال
أشحن بهـا جـوال أختـي غنيمـة
أو طقم غالي فيه خاتـم وسلسـال
أروح بـه فـي عـرس ولاّ عزيمـة
قلت الحقيقة مانيب رجـل أعمـال
ولانـي بتاجـر والمـوارد عديـمـة
أنا الصراحة شبـه عطّـال بطّـال
وعلاقتـي بالفقـر جـداً حميـمهوالراتب 
يرحم الحـال مـا زال محـدود والمصـروف ربـي عليمـه
والدين بـالآلاف والبنـك شغّـال
ياكـل فلوسـي بالربـا والظليمـة
والسوق طايح والغلا ضيّـق البـال
والموت و صايـر اكبـر غنيمـة
قالت تحمّل بـس والحمـل ينشـال
خلك شديد الباس صلـب العزيمـة
ياخي تصرّف جعلك اتصيـر نشّـال
أهـم شـي إن النوايـا سليـمه
لابد تفهمني علـى كـل الأحـوال
ما دمت من أهل العقـول الفهيمـة
قلت إيه و فاهم اللي على البـال لكن تـرى هـذي علينـا قديمـة
يا بنت هـذا صايـر اليـوم مـوال
للي تبي تلعب علـى ابـن اللئيمـة
يا بنت ما تدرين كـم فيـه محتـال
يلعب على الحبلين وانتـي غشيمـة
يا بنت كم من جاهلة دمعها سـال
من عقب ما جات العواقب وخيمـة
والبنت لا اقفى عرضها بيد الأنـذال
و مـا يبقـى لهـا أي قيـمـة
قالت تبي ولاّ فخلّك علـى جـال
مهوب ناقصـي نصايح حكيمه
عز إنك للأسف منـت رجّـال وانك قليل الذوق ما فيـك شيمـة
يلعن ابو اللي مـا يسطّـرك بنعـال
حتـى يعلمـك الغـزل يـا بهيمـة
( تفو ) عليك وصكّت الخط في الحال
مدري ( تفو ) هي مدح ولاّ شتيمـة
... 
... 
... 
... 
... 
... 
... 
... 
.. ومشكوورة على تواجدك بالصفحه ..
